Heðin Mortensen: 58.
ST-aðalfundurin í New York
Fundurin vid uttanríkisráðharran:
Luttakarar f.v: Heðin Mortensen, Annelise Rasmussen,
Doris Jacobsen, Lene Garsdal, Camilla Blomquist, Else Theil
Sørensen, Svend Aage Nielsen, Svend Heiselberg, Per
Stig Møller, Søren Krarup.
Á middegi mikudagin var fundur vid danska uttanríkisráðharran
Per Stig Møller á donsku sendistovuni, har
ambassadørurin Ellen Margrethe Løj eisini
var hjástødd.
Uttanríkisráðharrin greiddi frá
innihaldinum í røðuni, sum hann skuldi
halda seinni sama kvøldið. Í røðuni
nevndi hann 3 stórmál, har ST átti
at staðið sterkari, nevniliga í bardaganum
móti fátækdømi í heiminum,
í arbeiðnum at virka fyri at fáa eins
lógir og rættartrygd í heiminum, og
ikki minst í arbeiðnum at styrkja um trygdina
í heiminum.
Hann kom inn á støðuna í Iraq,
sum sanniliga hevur verið ein torfør uppgáva
hjá Trygdarráðnum í ST. Her komu
fram nakrir veikleikar hjá ST, men kríggið
hevði eisini tað við sær, at nýtt
orðaskifti tók seg upp um ST-Trygdarráðið.
Her skal nakað meira gerast fyri at strykja um trúvirði
hjá ST.
ST byrjaði við 51 limalondum, og í dag eru
191 limalond, men limatalið í Trygdarráðnum
er óbroytt, og verður tí mælt til
at hækka hetta tal. Hesum gongur Danmark inn fyri,
og sum hann eisini segði, so hevur Danmark lagt umsókn
inn um at gerast limur í Trygdarráðnum
2005-2006. - Í hesum sambandi verður í
hesum døgum eitt ávist lobbyarbeiði gjørt
fyri at fáa nokk av atkvøðum, so nú
fáa vit at síggja, um tað fer at eydnast
Danmark at gerast limur í Trygdarráðnum.
Danmark vil í sínum arbeiði innan ST
og í arbeiðnum í Trygdarráðnum
stuðla aðalskrivaranum Kofi Annan í hansara
royndum at endurnýggja ST fyri at fáa ein
sterkan felagsskap, sum kann reagera og handla, og samstundis
duga enn betri at finna javnvágina millum tey ríku
londini og tey afturútkomnu londini.
Per Stig Møller segði, at ST er neyðugt
og ein felags ábyrgd. Hvørvur ST, so hvørvur
tað størsta internationala átakið
fyri globalum framburði, tað verið seg innan
heilsuviðurskifti, útbúgving, mat til
øll og ikki minst fyri friðinum í heiminum.
Tí hava vit øll áhuga í einum
styrktum ST. ST eru "vit" og ikki bara "hini".
Heðin Mortensen
løgtingslimur
|
